بھارتیہ جنتا پارٹی نے سب کو حیران کر دیا، بھوپیندر پٹیل کو نیا وزیر اعلیٰ بنا دیا گیا ہے۔ یہ فیصلہ لیجسلیچر پارٹی کے اجلاس میں کیا گیا۔
وجے روپانی کے وزیر اعلیٰ کے عہدے سے استعفیٰ دینے کے بعد گجرات میں سیاسی بحران کو حل کرنے کے لیے اتوار کو قانون ساز پارٹی کی میٹنگ ہوئی۔
اس میں ریاست کے نئے وزیر اعلیٰ کے نام کا بھی فیصلہ کیا گیا۔ گجرات کے اگلے وزیر اعلیٰ بھوپیندر پٹیل ہوں گے۔
مرکزی وزیر نریندر سنگھ تومر نے ان کے نام کا اعلان کرتے ہوئے کہا کہ بھوپیندر پٹیل کو اتوار کو ہونے والی میٹنگ میں قانون ساز پارٹی کا لیڈر منتخب کیا گیا ہے۔
بھوپیندر پٹیل کو وزیر اعلی بنائے جانے کے اعلان کے بعد وجے روپانی نے انہیں مبارکباد دی ہے۔ پارٹی کارکنوں سے خطاب کرتے ہوئے انہوں نے کہا کہ وزیر اعظم نریندر مودی کی قیادت میں ملک ترقی کر رہا ہے۔ ایسے میں اب مجھے امید ہے کہ بھوپیندر پٹیل کی قیادت میں گجرات بھی ترقی کرے گا۔ میری طرف سے بہت بہت مبارکباد۔"
بھوپیندر پٹیل احمد آباد کی گھوڈلادیا اسمبلی سیٹ سے ایم ایل اے ہیں۔ پٹیل برادری کی اچھی گرفت سمجھی جاتی ہے۔ وہ 2017 کے اسمبلی انتخابات میں پہلی بار ایم ایل اے بنے تھے۔
***
