مرکزی حکومت نے راشن کارڈ ہولڈروں کے لیے کامن سروس سینٹر کھولنے کا منصوبہ بنایا ہے۔ اس سے تقریباً 23.64 کروڑ لوگ مستفید ہوں گے۔ ملک بھر میں 3.7 لاکھ کامن سروس سینٹر کھولے جائیں گے۔ یہاں کسی بھی راشن کارڈ میں نام اور دیگر تضادات کو آسانی سے دور کیا جا سکتا ہے۔
اس کامن سروس سینٹر کے تحت نئے راشن کارڈ کے لیے درخواست دینا، راشن کارڈ کو اپ ڈیٹ کرنا اور آدھار کو لنک کرنا بھی شامل ہے۔
اس کے لیے، صارفین کے امور، خوراک اور عوامی تقسیم کے محکمے نے سی ایس سی ای گورننس سروسز انڈیا لمیٹڈ کے ساتھ معاہدہ کیا ہے۔
الیکٹرانکس اور آئی ٹی کی وزارت کے تحت کام کرنے والے ایک خصوصی یونٹ نے کہا کہ اس سے راشن کی تقسیم کے نظام کے ساتھ ساتھ راشن کارڈ میں بہتری جیسے دیگر کام بھی آسان ہو جائیں گے۔
اطلاعات کے مطابق اس سینٹر کے کھلنے سے اہلکار ایسے گاؤں میں پہنچ جائیں گے جہاں اب تک سہولیات بھی میسر نہیں تھیں۔ اس سینٹر کے کھلنے سے وہاں کے لوگوں کو بڑا فائدہ ہوگا۔ حکومت کی 'ون نیشن اینڈ ون کارڈ' اسکیم گزشتہ سال سے نافذ ہے۔ اس کے تحت آپ ملک میں کہیں سے بھی راشن لے سکتے ہیں۔
***
