یہ واقعہ مشرقی آسام کے جورہاٹ ضلع کے نیمتی گھاٹ پر دریائے برہم پترا میں 8 ستمبر کی سہ پہر کو پیش آیا، جہاں دو کشتیاں آپس میں ٹکرا گئیں۔ ایک کشتی ماجولی سے نیمتی گھاٹ جا رہی تھی جبکہ دوسری مخالف سمت میں جا رہی تھی۔
دونوں کشتیوں پر 50 کے قریب افراد سوار تھے جن میں سے 40 افراد کو بچا لیا گیا ہے۔ باقی کی تلاش جاری ہے۔ وزیر اعلی ہمانتا بسوا سرما نے حادثے کی تصدیق کی ہے۔
کشتی کے حادثے پر افسوس کا اظہار کرتے ہوئے وزیر اعلیٰ ہمنتا بسوا سرما نے ماجولی اور جورہاٹ ضلعی انتظامیہ کو ریاستی ڈیزاسٹر رسپانس فنڈ (ایس ڈی آر ایف) اور نیشنل ڈیزاسٹر رسپانس فنڈ (این ڈی آر ایف) کی مدد سے ریسکیو آپریشن کرنے کی ہدایت دی ہے۔
انہوں نے وزیر بمل بورا سے کہا ہے کہ وہ جلد از جلد ماجولی پہنچ کر صورتحال کا جائزہ لیں۔ سرما نے اپنے پرنسپل سکریٹری سمیر سنہا کو بھی پیش رفت پر مسلسل نظر رکھنے کی ہدایت دی ہے۔
اس دوران مرکزی وزیر داخلہ امت شاہ نے سی ایم سرما سے بات کی ہے اور ضروری اقدامات کرنے کی ہدایت دی ہے۔
***
