طالبان کے اقتدار پر قبضے کے پس منظر میں روس کے قومی سلامتی کے مشیر نکولے پیٹروشیف نے نئی دہلی میں اپنے ہندوستانی ہم منصب اجیت ڈوول سے ملاقات کی ہے۔ مرکزی وزارت خارجہ، وزارت دفاع اور سیکورٹی ایجنسیوں کے نمائندے بھی میٹنگ میں شامل ہوئے۔
اس ملاقات کو 24 اگست کو پی ایم مودی اور روسی صدر ولادیمیر پوتن کے درمیان ٹیلی فون پر بات چیت کے نتیجے کے طور پر دیکھا جا رہا ہے۔
گزشتہ شام طالبان نے عبوری حکومت کے قیام کا اعلان کیا۔ کابینہ کی تشکیل نے کئی ممالک میں تشویش کو جنم دیا ہے۔
طالبان کے ترجمان ذبیح اللہ مجاہد نے کابینہ کے ارکان کی فہرست کا اعلان کیا۔ اس کابینہ میں کسی خاتون یا اقلیتی برادری کو جگہ نہیں ملی۔
ملا حسن اخوند نئے قائم مقام وزیر اعظم ہیں جبکہ ملا عبدالغنی برادر امارت افغانستان کے نائب وزیر اعظم ہیں۔
سراج الدین حقانی طالبان کی کابینہ میں وزارت داخلہ اور انٹیلی جنس کے انچارج ہیں۔ ملا یعقوب وزیر دفاع ہیں۔
قابل ذکر ہے کہ وزیر داخلہ سراج الدین حقانی عالمی دہشت گرد قرار پائے ہیں۔
***